Zer da Jarrion?

Euskarazko edukiak nahieran ikusi eta entzuteko "telebista-aplikazioa" da JarriON.

Hainbat kanaletan argitaratutako bideoak, irratsaioetako podcastak, eta zuzeneko irrati eta telebista seinaleak, horiek denak mugikorrean ikusteko aukera eskaintzen du, eta Chromecast gailua (39 euroko trastoa da) badaukazu, baita telebistan ere.

Gipuzkoako Foru Aldundiak babestu zuen JarriON 2017-2018 urteen artean, 2deo euskarazko ikus-entzunezkoen sormen laborategiarn bitartez. Proiektu esperimentala izaten hasi zena produktu bihurtu da eta euskarazko edukiak zabaltzeko kanal moduan hasi du bere bidea. JarriON-ek bat egiten du 2deo-ren misioarekin: euskarazko ikus-entzunezkoen ekoizpena eta kontsumoa handitzea, sormen testuinguru berriak sustatuz, ekoizpen-eredu eta formatu berrietan esperimentatuz eta zabalkunde kanalak biderkatuz. Betiere, sektorea osatzen duten eragileekin elkarlanean eta herritarren partaidetza aktibatuz.

2019an, Eusko Jaurlaritzaren Kultura Saileko Hizkuntza Politikarako Sailburuordetzaren IKT dirulaguntzei esker, funtzionalitate berriez hornitua dator: lehen bertsioan bideo-kanalak agertzen ziren bakarrik; oraingo bertsioan, baita irrati-podcastak eta zuzeneko streaming aukerak. Era berean, 2deo laborategiak ere laguntza gehigarri bat eskaini du, Tokikom hedabide elkarteko hainbat irratitako saioak podcast bidez integratu daitezen aplikazioan.

CodeSyntax-en garatu dugu JarriON, eta eskertu nahi dugu bereziki KAM enpresaren eta EITBko informatika zerbitzuen laguntza. JarriON kode libreko garapena da, GitHub-en argitaratu dugu kodea.

Edukiekin parte hartzen dute:

Kanal bakoitzeko edukiak hornitzaile bakoitzaren jabetzakoak eta ardurapekoak dira.